ԲԱԶԱԲԵՐԴ կամ ՉԱԽԱԼԱԲԵՐԴ
Բավական լավ պահպանված միջնադարյան բերդը գտնվում է Ջիլիզայից ուղիղ գծով 1,8 կմ հյուսիս-արևելք` երկու ձորակների միջև հյուսիս-հարավ ուղղությամբ հրվանդանաձև երկարած լեռնաճյուղի բարձրադիր գագաթին (ծ. մ. 1043 մ, N 41°13°39.76°°; E 044°39°00.82°°¤:
Ջիլիզացիներին Չախալաբերդ անվամբ հայտնի միջնադարյան ամրակուռ բերդն ընդհանրապես նույնացվում է Թ դարի անցքերի առնչությամբ հայ մատենագրությունից հայտնի Բազաբերդի հետ1:
Բերդի հարթ մակերևույթը շրջապատից մեկուսացված է մինչև 12 մ բարձրությամբ բրգաշար պարսպապատով: Պահպանվածությամբ հատկապես աչքի է ընկնում ներսում բոլորակ հատակագծով սենյակներ ունեցող կիսաբոլորակ երկու աշտարակներով հզորացված արևմտյան պարիսպը: Բերդի մուտքը բացված է եղել հարավից: Արևելյան պարսպին կից ներքուստ առկա են քառանկյուն հատակագծով մի քանի սենյակների մնացորդներ: Պարիսպների շարվածքն իրականացված է տեղական անմշակ քարով և կրաշաղախով:
1 Վարդան Արևելցի, Տիեզերական պատմություն, Երևան, 2001, էջ 131: Նաև` Ջալալեանց Ս., Ճանապարհորդութիւն ի Մեծն Հայաստան, հ. Ա, Տփխիս, 1842, էջ 88: Հովհաննիսեան Մ., Հայաստանի բերդերը, Վենետիկ, 1970, էջ 583: